Audible 用聽既去「睇」書

香港人不嬲都忙，學生忙功課；上班族忙搵食。但係點都要抽番啲時間/搵個機會去增值下自己家嘛，讀書就係一個好好既方法，但係咁忙，邊得閒拎住本書揭黎揭去喎? 用聽書呢個方法去「睇」書就得啦，又方便又慳位。雖然呢個方法都唔係新，但係試問你身邊既人，包括埋你自己，又有冇試過呢個方法呢? 未試既話仲唔趁機試下，咪走機啦!

書籍種類繁多
Audible嘅書庫多達85,000本，有古典文學、經濟、歷史、自學增值等等…除左書之外，呢個網仲提供埋電台既podcast，報紙嘅有聲版。真係多到聽唔哂。

方便隨身聽
Audible嘅檔案適合喺好多嘅器材度播。一般既PDA、手提電話、mp3機都支援(支援多達500種機款)，你鍾意既用電腦播黎聽都得。

14天免費試聽
透過一啲網上podcast既推薦link(我都係聽開一個podcast先至知Audible呢個網)，你可以參加14天既免費試聽，完左個試用期仲可以keep一本有聲書。完左14天既試用期亦都可以話取消就取消。而呢啲推薦link可以好容易上網搵得到，所以都唔特登post上黎了。

平過去買實體書 慳位最實際
由於唔係一本本有得拎既書既關係，我諗就係因為咁所以都慳咗啲印書既成本，所以你上呢個網去聽書嘅價錢(根據Audible)係比買實體書既價錢慳到75% off(25折呀!)。仲有你做會員既話，每日都可以免費收到可聽版既報紙，有2款揀: The New York Times(紐約時報) / The Wall Street Journal(華爾街日報)。咁就買幾多書都唔怕屋企會冇位擺啦。

注: 本人沒有收受Audible或有關公司任何利益之情況下而寫這篇文章。

有用連結:
Audible : http://www.audible.com/