Thursday, July 14, 2011

GetGlue 讓你緊「貼」各種娛樂


粉絲貼紙
今次要介紹呢個網叫做GetGlue,佢係一個社交網站,提供各式各樣既娛樂資料俾用戶去揀鍾意既去"Like","Check-in"。形式就好似Facebook用戶"Like"自己鍾意既Page咁樣。唔同既地方在於GetGlue集中於"Check-in"呢個功能上面,用戶可以無限"Check-in"自己既心水項目。除此之外"Check-in"仲會得到限時Stickers(貼紙),儲夠仲會有實體版Stickers寄到你屋企。想知更多就繼續睇落去啦。

以下係GetGlue官網介紹影片:


新手上路
如果你係啱啱開左個戶口,唔知由邊度開始玩起。咁我建議你去右上角個欄到搵"Suggestions",跟住click入去,咁你就會搵到好多唔同類型既娛樂節目,有今期流行(Trending),新鮮出爐(New Releases),同埋有推薦節目(Recommend)。

佢仲有一個功能可以幫你好快咁樣鎖定你鍾意既節目,呢個功能個名叫做"Quick Rate"快速評閱。譬如你係想快速評閱「電視節目」呢一個項目,只要你禁左入去之後,佢就會提供好多既電視節目俾你揀,你見到鍾意既就可以禁"Like"。

提供各樣娛樂
GetGlue上面提供各種娛樂,例如: 電影、電視、書籍、音樂、遊戲等等嘅項目。名乎其實就係想你成日都睇,成日都「癡」住啲娛樂活動。最近仲新增左"導演"呢一個項目。

"Check-in"拎期間限定Stickers
(期間限定) 哈利波特 - 死神聖物1 貼紙
GetGlue上面有好多唔同既貼紙俾你隨時拎走,但係大部份人氣度高既貼紙就係期間限定既,意思係佢只會係一段特定既時段俾用戶拎走,過左就冇,此舉實際係宣傳之用。

精明儲Stickers
個網差唔多日日都有新貼紙上載上去俾你Check-in去拎。要儲哂真係幾花功夫。不過儲得又想申請寄送貼紙去你屋企就梗係要識得精明咁儲貼紙啦。注意每一批GetGlue寄出既貼紙只限20個,用戶冇得揀邊20個。申請寄送之後,GetGlue網上面提及4至6星期就會收到(不過聽過網上面有人4個月先收到)。而下一批貼紙寄出申請要係上一次申請既30日之後先得。


有時候有部份貼紙係唔可以就咁透過Check-in去搵出黎,而係要打一啲指定既字於留言位置再Check-in先可以拎到貼紙。至於打咩野字,第一,你可以參考一下已經留左言既人,佢地大部份係打咩野字留言,你照複製佢地打既字再Check-in就九成得架啦。第二,呢個亦都係一個萬全之策,就係上網搵一個專門為GetGlue貼紙收集迷開既網站/論壇,入面有齊哂你想要既資料,岩哂啲GetGlue貼紙收集迷呀。(去最底既有用連結就可以搵到個貼紙迷論壇架啦,入面有哂所有最新最齊既GetGlue貼紙同埋收集條件,想收集齊你既心水貼紙就快快趣去啦。)

有用連結
GetGlue官方網站
GetGlue貼紙迷論壇
GetGlue Facebook專頁

No comments:

Post a Comment